യോഗാചാര്യന് ബാബാ രാംദേവിനെ വെറുതെ വിടാനില്ലെന്നാണ് സ്വയം പ്രഖ്യാപിത സെക്സ് ബോംബ് രാഖി സാവന്തിന്റെ നിലപാട്. ബോളിവുഡിലെ ഐറ്റംനര്ത്തികയായിരുന്ന അവര് കല്യാണത്തിന്റെ പേരില് നടത്തിയ റിയാലിറ്റി ഷോയുടെ പേരിലാണ് ദേശീയ ശ്രദ്ധ ആകര്ഷിച്ചത് . രാഖി ക സ്വയംവര് എന്ന പരിപാടി ഹിറ്റായി. രാഖി വിവാഹവും കഴിച്ചു. ഭര്ത്താവിനെ അവര് ഒറ്റദിവസം കൊണ്ട് തളളുകയും ചെയ്തു.
പിന്നീട് കുപ്രിസിദ്ധമായ പരാമര്ശങ്ങളുടെ പേരില് ടിവിയില് 'താര'മായി നിലനില്ക്കാനും അവര്ക്കായി. രാഖിയുടെ കളിയാക്കല് സഹിക്കാതെ റിയാലിറ്റി ഷോയില് പങ്കെടുത്ത ഒരാള് ആത്മഹത്യ ചെയ്തെന്ന് പരാതിയും ഉയര്ന്നിരുന്നു.
ബാബാ രാംദേവ് കള്ളപ്പണത്തിനെതിരെ ഉപവാസം പ്രഖ്യാപിച്ചതോടെയാണ് രാഖിയുടെ ശ്രദ്ധയില്പ്പെട്ടത് . സ്വന്തം റിയാലിറ്റി ഷോയിലേക്ക് അവര് അദ്ദേഹത്തെ ക്ഷണിക്കുകയും ചെയ്തു. അദ്ദേഹം അവരുടെ വാക്കുകള് ശ്രദ്ധിക്കുക പോലും ചെയ്തില്ല. 'ബിഗ്ബോസ് ' എന്ന ടിവി പരിപാടിയില് പങ്കെടുക്കുകയാണെങ്കില് ബാബാ രാംദേവ് തന്നെ പ്രേമിക്കുമെന്നാണ് രാഖിയുടെ വിശ്വാസം.അദ്ദേഹത്തോടിപ്പോള് രാഖിക്ക് പ്രേമമാണത്രേ. ടിവി പരിപാടിയ്ക്കിടെ ലഭിക്കുന്ന ഇടവേളയില് തന്റെ കഴിവുകള് ഉപയോഗിച്ച് അദ്ദേഹത്തെ വീഴിക്കാനാകുമത്രേ.
ഇടക്കാലത്ത് രാഹുല് ഗാന്ധിയോടും രാഖിക്ക് പ്രേമം തോന്നിയിരുന്നു. എന്നാല് ഈ ബാച്ചിലര്മാരുടെ അവഗണന രാഖിയെ ഒരു പാഠം പഠിപ്പിക്കുമോ? |
